XX. mendeko Euskararen Corpus estatistikoa

Testuingurua

FRAY ADRIAN - On egin daizula ba...
BERTSOLARIA - Baita zuri ere, jauna.

FRAY ADRIAN - Agur ba...
BERTSOLARIA - Agur, jauna.

Aulkitxoa eskuan Praille-etxera sartuko da Fray Adrian.

Mendi-aldeko bidea artuko du Bertsolariak.

Elizatik irtengo du Mikel-ek.

Ta ur-bedeinkatu ontziaren ondaan geldituko da norbaiten zai.

Laister dator Miren.

Ur-bedeinkatua eskeñiko dio Mikel-ek.

MIREN - (Lotsati)... Eskerrikasko, Mikel.

Ixil-unetxo baten ondoren.

MIKEL - Elizan igaro dedan denbora guztia, zuri begira igaro det, Miren...

MIREN - Neri begira
MIKEL - bai Miren ain ederra agertzen ziñan zure otoitzean.

MIREN - Ederra? Ta zuk ez al-dezu otoitzik egin, Mikel?.

MIKEL - Bai, egin det nik ere....

- Nere otoitzak ordea ez dira zureak bezein xamurrak izan....

MIREN - Ez ba jakin, Mikel.

MIKEL - Galdera bat egingo nizuke pozik, Miren?.

MIREN - Zer jakin nai zenduke ba, Mikel?.

MIKEL - Zure otoitz orretan oroitu al-zera nizaz?.

MIREN - Nere lagun-arteko bat baldin ba-zera zu ere, bai, Mikel, oroitu naiz zutaz....

MIKEL - Eskerrikasko, Miren.